Opið bréf til ráðherra og alþingismanna í tilefni Alþjóðlega safnadagsins
Í dag fagna söfn og safnafólk á heimsvísu hinum Alþjóðlega safnadegi sem haldinn hefur verið hátíðlegur þann 18. maí á vegum ICOM, Alþjóðaráðs safna, síðan 1977. Í tilefni dagsins hvet ég, undirritaður, hæstvirta ráðherra og alþingismenn, æðstu ráðamenn þjóðarinnar, til að styðja og styrkja söfn – viðurkennd söfn sem og höfuðsöfn – eftir fremsta megni svo þau megi standa undir lögboðnu hlutverki sínu.