Stjórn Íslandsdeildar ICOM stendur fyrir rafrænu siðareglunámskeiði fyrir starfsfólk safna og félaga deildarinnar á Zoom fimmtudaginn 16. nóvember, kl. 13:00-16:00

Íslandsdeild ICOM auglýsir eftir umsóknum um styrki úr Útgáfu- og ferðasjóði á tímabilinu sem hefst nú haustið 2023 fram á vor 2024 en markmið sjóðsins er að styrkja félagsmenn til að sækja alþjóðlega fundi og ráðstefnur á vegum ICOM, auk þess að styrkja útgáfur á efni sem tengist faglegu starfi safna.

Þann 5. júní síðastliðinn var frumvarp til laga um breytingu á safnalögum, lögum um Þjóðminjasafn Íslands og lögum um Náttúruminjasafn Íslands samþykkt á Alþingi.

Í dag fagna söfn og safnafólk á heimsvísu hinum Alþjóðlega safnadegi sem haldinn hefur verið hátíðlegur þann 18. maí á vegum ICOM, Alþjóðaráðs safna, síðan 1977. Í tilefni dagsins hvet ég, undirritaður, hæstvirta ráðherra og alþingismenn, æðstu ráðamenn þjóðarinnar, til að styðja og styrkja söfn – viðurkennd söfn sem og höfuðsöfn – eftir fremsta megni svo þau megi standa undir lögboðnu hlutverki sínu.

Stjórn Íslandsdeildar ICOM geldur varhug við þeirri uggvænlegu þróun sem vart hefur orðið við á sviði menningarmála, þar sem sveitarstjórnir og aðilar í einkageiranum hafa í sameiningu vegið að grunnstoðum ýmissa menningarstofnana og grafið undan öflugu starfi þeirra í almannaþágu.

Íslandsdeild ICOM, FÍSOS og safnaráð boða til málþings í aðdraganda Alþjóðlega safnadagsins undir yfirskriftinni Söfn, sjálfbærni og vellíðan, sem jafnframt er þema safnadagsins árið 2023. Málþingið verður haldið í fyrirlestrarsal Þjóðminjasafns Íslands þriðjudaginn 16. maí kl. 13:00-16:00 en að því loknu verður boðið upp á léttar veitingar í Myndasal safnsins.

Við höldum upp á Alþjóðlega safnadaginn þann 18. maí næstkomandi en að þessu sinni er þema dagsins Söfn, sjálfbærni og vellíðan. Líkt og fyrri ár er það von okkar að það verði líf og fjör á söfnunum á safnadaginn og eru söfn því hvött til að standa fyrir fjölbreyttri og skemmtilegri dagskrá, auk þess sem mörg söfn bjóða upp á ókeypis aðgang inn í tilefni dagsins.

Aðalfundur Íslandsdeildar ICOM var haldinn í Safnahúsinu við Hverfisgötu þann 12. apríl 2023. Á fundinum var sinnt venjulegum aðalfundarstörfum skv. 6. gr. laga félagsins: skýrsla stjórnar fyrir starfsárið 2022 til 2023 var lögð fram og eins endurskoðaðir ársreikningar 2022, auk þess sem starfsáætlun og helstu verkefni ársins 2023 voru kynnt.

Aðalfundur Íslandsdeildar ICOM verður haldinn miðvikudaginn 12. apríl 2023, kl. 15:30-16:45, í Safnahúsinu við Hverfisgötu. Dagskrá Venjuleg aðalfundarstörf skv. 6. gr. laga Íslandsdeildar ICOM:

Lilja Dögg Alfreðsdóttir, menningar- og viðskiptaráðherra, afhenti styrki úr aðalúthlutun safnasjóðs árið 2023 við hátíðlega athöfn í Þjóðminjasafni Íslands þann 13. febrúar. Auk þess sem veittir voru styrkir til fjölda góðra verkefna viðurkenndra safna á landinu öllu, hlaut Íslandsdeild ICOM styrk til verkefna ársins í þágu starfsvettvangsins. Það var Hólmar Hólm, ritari Íslandsdeildarinnar, sem tók
Lesa meira